వేశ్య పాత్రలో నటించబోతున్న అనసూయ
దిశ, వెబ్‌డెస్క్: అటూ బుల్లితెరపై.. ఇటూ వెండితెరపై మెరుస్తన్న గ్లామర్ క్వీన్ అనసూయ గురించి ప్రత్యేకంగా చెప్పనవసరం లేదు. ఈ ఏడాది వరుస సినిమాలతో బిజీ అయిన భామ.. ఈ కారణం చేతనే 'జబర్దస్త్' కామెడీ షో నుంచి యాంకర్‌గా తప్పుకుందని తెలుస్తుంది. తాజాగా అనసూయ ఓ వేశ్య పాత్రలో నటించబోతున్నట్లు సమాచారం. ప్రముఖ దర్శకుడు క్రిష్ జాగర్లమూడీ త్వరలో, గురజాడ అప్పరావు రచించిన 'కన్యాశుల్కం' నాటకాన్ని వెబ్ సిరీస్‌గా తీసుకొచ్చే ప్రయత్నం చేస్తున్నట్టు టాక్.
ఇందులో మధురవాణిగా అనసూయను ఎంపిక చేశాడట క్రిష్. అయితే అది మంచి పాత్ర కావడంతో వెంటనే ఓకే చెప్పెసిందట అనసూయ. కాగా, గతంలో ఈ నాటకానికి ఎన్టీఆర్ హీరోగా, మధురవాణి పాత్రలో సావిత్రి చేశారు. అప్పట్లో మధురవాణి పాత్రలో మహాద్భుతంగా చేసిన సావిత్రి పాత్రను.. ఇప్పుడు అనసూయ చేయనుండటం విశేషంగా మారింది. ఇప్పటికే పూర్తి స్థాయిలో స్క్రిఫ్ట్ రెడీ చేసుకున్న క్రిష్.. ఈ వెబ్ సిరీస్‌ను తెరకెక్కించే బాధ్యత తన దగ్గరే ఎప్పటినుంచో పని చేసే సహాయ దర్శకుడికి అప్పగించారట. ఇక త్వరలోనే 'కన్నాశుల్కం' వెబ్ సిరీస్‌ను అధికారికంగా ప్రకటించబోతున్నట్లు టాక్. అయితే ఈ వార్తల్లో ఎంత వరకు నిజం ఉన్నది తెలియాలంటే కొన్ని రోజులు వేచి చూడాల్సి ఉంది.
న్యూడ్‌ పిక్‌ వైరల్.. రష్మిక- విజయ్ దేవరకొండ రిలేషన్ కన్ఫర్మ్?
